हार्दिक धन्यवाद

एजुकेसन ग्लोबल सिनेट (EGS) को चौथो वार्षिक साधारण सभा सफलतापूर्वक सम्पन्न : सबैलाई हार्दिक धन्यवाद

एजुकेसन ग्लोबल सिनेट (EGS) आफ्नो चौथो वार्षिक साधारण सभामा सहभागी हुनुभएका सम्पूर्ण सिनेटरज्यूहरू, अतिथिज्यूहरू, र शुभचिन्तकहरूप्रति हार्दिक कृतज्ञता व्यक्त गर्दछ। गत अगस्त ४, २०२६ (मंगलबार), साँझ ६:३० बजे (पूर्वी समय), जुम मार्फत सम्पन्न भएको यस भव्य कार्यक्रमले अमेरिका, मध्यपूर्व, र नेपालबाट जोडिनुभएका सहभागीहरूलाई एउटै साझा उद्देश्यमा एकीकृत गर्‍यो।

कार्यक्रमको सञ्चालन डा. विष्णु जोशीले गर्नुभयो। प्रमुख अतिथिको रुपमा न्यूयोर्कका एटर्नी तथा सिनेटर खगेन्द्र जीसीज्यू, र संस्थाका संरक्षक वरिष्ठ कलाकार मदनकृष्ण श्रेष्ठज्यूको विशेष उपस्थिति रह्यो। एनआरएनए आईसीसीका उप-महासचिव कृष्ण पोखरेलज्यू पनि विशिष्ट प्रतिनिधिको रुपमा उपस्थित हुनुभयो। प्रमुख वक्ताको रुपमा एजुकेसन, ग्लोबल सिनेटकी उपाध्यक्ष सराना श्रेष्ठ पराजुलीज्यूले सम्बोधन गर्नुभयो।

प्रमुख अतिथिबाट कार्यक्रमको औपचारिक उद्घाटन गरिएको थियो। त्यसपछि विश्व-प्रसिद्ध संगीतज्ञ प्रा. डा. कीथ राईटले आफ्नो बाँसुरीमा “रेशम फिरिरी” धुन बजाई सबैलाई मन्त्रमुग्ध बनाउनुभयो।

वरिष्ठ उपाध्यक्ष रबिन शर्माज्यूले EGS को पृष्ठभूमि र समग्र परिचय सहितको स्वागत मन्तव्य प्रस्तुत गर्नुभयो। कार्यक्रमकै क्रममा दुई नयाँ सिनेटरहरू — बाल्टिमोरका साहित्यकार प्रकाश नेपालज्यू र बोस्टनका समाजसेवी मिलन गुरुङज्यूले — सिनेटर बन्ने घोषणा गर्नुभयो, जसलाई सम्पूर्ण सभाले हार्दिक स्वागत गर्‍यो।

अनुदान समिति प्रमुख प्रा. डा. गोपी उप्रेतीज्यूले अनुदान समितिको प्रतिवेदन प्रस्तुत गर्नुभयो, जसमा बझाङका पूर्ण बहादुर मल्लज्यू लगायत विभिन्न अनुदान प्राप्तकर्ताहरू र चाँदनी एयरज्यूले आ-आफ्ना स्थानीय परियोजनाहरूको विवरण प्रस्तुत गर्नुभयो। सचिव कैलाश जङ्ग डाँगीज्यूले सचिवको वार्षिक प्रतिवेदन प्रस्तुत गर्नुभयो। उपाध्यक्ष सर्जन बीसीज्यूले STEM शिक्षा तथा अन्य रणनीतिक पहलहरूबारे प्रस्तुति दिनुभयो। कोषाध्यक्ष कुमार सिंह डाँगीज्यूले यस वर्षको आर्थिक प्रतिवेदन प्रस्तुत गर्नुभयो।

EGS का कार्यकारी सदस्य सरु विश्वकर्माज्यूले सिनेटर दृश्यता तथा सहभागिता परियोजनाबारे जानकारी दिनुभयो। युवा सिनेटरहरू शान्ता नगरकोटीज्यू र अशुना छन्त्यालज्यू, र EGS बोर्ड सदस्य केनी शाहज्यूले आ-आफ्ना अनुभव तथा विचार राख्नुभयो।

कार्यक्रममा विभिन्न संघ-संस्थाका प्रतिनिधिहरूबाट शुभकामना सन्देश प्राप्त भयो, जसमा समावेश हुनुहुन्थ्यो: एनआरएनए आईसीसीका उप-महासचिव कृष्ण पोखरेलज्यू, बाल्टिमोर एसोसिएसन अफ नेपालिज इन अमेरिका (BANA) का जितेन्द्र गुरुङज्यू, नेपालिज सोसाइटी अफ टेक्सासका बिजय भुसालज्यू, एसोसिएसन अफ नेपालिज इन द अमेरिकाज (ANA) का अध्यक्ष खगेन्द्र अधिकारीज्यू, इन्टरनेशनल नेपाली लिटरेरी सोसाइटी (INLS) का तीर्थ पाण्डेज्यू, डा. अरुन्धती केसीज्यू, पशुपति-बुद्ध टेम्पल (PABFONE) बोस्टनका बोर्ड अफ ट्रस्टी अध्यक्ष सुशील पौडेलज्यू, PABFONE बोस्टनका अध्यक्ष ध्रुव घिमिरेज्यू, ग्रेटर बोस्टन नेपाली एसोसिएसनका अध्यक्ष सन्दीप भट्टराईज्यू, PABFONE का मिलन कार्कीज्यू, NASEA का पूर्व अध्यक्ष राजा घलेज्यू, मध्यपूर्व क्षेत्रीय प्रतिनिधि यास्मिन बेगम सयदज्यू, नेपालिज एसोसिएसन अफ नर्दन क्यालिफोर्नियाका अध्यक्ष प्रीतेश कार्कीज्यू, GBNC बोस्टनका मिलन कार्कीज्यू, मेरिल्यान्डका लायन्स क्लब गभर्नर नर खकुरेलज्यू, BANA का पूर्व अध्यक्ष अनुसूया ओन्तज्यू, ग्लोबल हेल्थ लिडर डा. सञ्जीब सापकोटाज्यू, प्रवासी नेपाली अन्तर्राष्ट्रिय नेतृत्व प्रभु थापाज्यू, एरिजोनाका सिनेटर डा. अम्बिका अधिकारीज्यू, जर्जियाकी अम्बिका लोहनीज्यू, NACC का भर्जिनियाका सामाजिक अगुवा पर्शुराम भण्डारीज्यू, नेपालका मिलन श्रेष्ठज्यू, क्यालिफोर्नियाकी दिक्षा बस्नेतज्यू, केन्टकीकी गीता मैनालीज्यू (जीवन विज्ञान एम्बासेडर), मेरिल्यान्डका सल्लाहकार/सिनेटर अमर छन्त्यालज्यू, हिन्दु-बुद्ध मन्दिर बाल्टिमोरका सचिव तरुण पौडेलज्यू, नर्थ क्यारोलिनाका डा. चिरञ्जीवी भट्टराईज्यू, टेक्सास नेपाली सोसाइटीका प्रतिनिधि इन्जिनियर राम थापाज्यू, न्यूयोर्कका प्रतिनिधि पुरुषोत्तम पन्थीज्यू, फ्लोरिडाका डा. शिव गौतमज्यू, लङ आइल्यान्ड नेपाली सोसाइटीका निवर्तमान अध्यक्ष कुल गौलीज्यू, र मेरिल्यान्डबाट विभिन्न संस्थाहरूको प्रतिनिधित्व गर्नुहुने भीम बीकेज्यू।

संस्थाका प्रमुख सल्लाहकार इन्जि. गोपेन्द्र भट्टराईज्यूले सामाजिक कार्यमा आउने अपजसलाई पारदर्शी ढंगले सामना गर्नु नै संस्थाको दिगोपनको आधार भएको बताउनुभयो। कार्यक्रममा उपस्थित थुप्रै अतिथिहरूले EGS ले दाता सिनेटरहरूबाट प्राप्त रकमलाई अक्षयकोषमा राखी त्यसको व्याजबाट पारदर्शी रुपमा परियोजनाहरू सञ्चालन गर्ने विधि अपनाई संस्थाको दीर्घकालीन सञ्चालनको नजिर स्थापित गरेकोमा अध्यक्ष प्रा. डा. उत्तम गौली र कोषाध्यक्ष कुमार सिंह डाँगीज्यू लगायतको नेतृत्वलाई धन्यवाद दिनुभयो।

सभाको अन्त्यमा अध्यक्ष प्रा. डा. उत्तम गौलीले सम्पूर्ण सिनेटर तथा अतिथिहरूलाई धन्यवाद दिँदै, आफूले जग बसालेको यस संस्थालाई निरन्तरता दिन नयाँ पुस्तालाई नेतृत्व हस्तान्तरण गर्न आफू लगायत सम्पूर्ण संस्था पर्खिरहेको बताउनुभयो।

चौथो वार्षिक साधारण सभामा प्रस्तुत सबै प्रतिवेदनहरू सर्वसम्मतिले पारित भएका छन्। संस्थागत तथा आर्थिक वार्षिक प्रतिवेदनहरू अब EGS को वेबसाइटमा उपलब्ध छन्।

यस सफल आयोजनका लागि योगदान पुर्‍याउनुहुने सबै सिनेटर, अतिथि, वक्ता, र सहयोगीहरूप्रति एजुकेसन ग्लोबल सिनेट पुनः हार्दिक आभार व्यक्त गर्दछ। आगामी दिनहरूमा पनि तपाईंहरूको साथ र सहयोगको अपेक्षा गर्दछौं।

धन्यवाद सहित,
एजुकेसन ग्लोबल सिनेट